Planetimizin plastik tullantılarla çirklənməsi son illərdə qlobal problem halını alıb və dünya ölkələrinin həllli uğrunda çalışdığı məsələyə çevrilib. İsrailli kimya mühəndisi Şeron Barak bir neçə yüz il ərzində planetə zərər vuracaq plastik tullantıların bir neçə dəqiqədə suda əriməsini təmin edən formul tapıb.

Şeron Barakın kəşf etdiyi yeni plastik növləri bir neçə dəqiqədə suda həll olunur. Ən maraqlısı da budur ki, suda həll olunan plastik heç bir canlıya zərər vermir. Alimin iddiasına görə, onu hətta yemək də olar.

"Plastik sətkanlar təbiətdə 50 il, plastik qablar isə 450 il qala bilər. Mən elə bir material hazırlamaq istədim ki, o həm plastikə bənzəsiz, ucuz başa gəlsin, həm də təbiətə zərər vurmadan suda ərisin. Hazırladığımız psevdoplastik 100 faiz ekoloji təmiz materiallardan hazırlanıb, suda tamamilə həll olunur və təbiətin bir hissəsinə çevrilir".

Mütəxəssis bildirib ki, psevdoplastikin hazırlanması heç də mürəkkəb deyil. Bu günə qədər plastik materialların hazırlanması üçün istifadə olunan texnika Yer kürəsini çirklənmədən qoruyacaq yeni növ materialın istehsalında da istifadə oluna bilər.Onu qida məhsullarının qablaşdırılmasında və adi plastikin istifadə edildiyi bütün sahələrdə istifadə etmək olar.

Təbiət qoynuna – dağlara, meşələrə, göllərin, çayların sahilinə, bulaq başına üz tutan turistlərin ən çox ehtiyac duyduqların həmin ərazilərdə mimimal bir komfort yaratmaq, bəzən isə gecələmək üçün yer tapmaq problemidir.

Düzdür bir çox turizm obyektləri, istirahət zonaları bu ehtiyacı qarşılayır, amma elə turistlər də var ki, onlar insanların çox toplaşdıqları bu infrasturukturlu yerlərə deyil, toxunulmamış təbiət qoynuna – sakit məkanlara üstünlük verirlər.

Aprelin 17-də Aşqabadda Beynəlxalq Yer Kürəsi Gününə həsr olunan eko-moda sərgisi keçirilib. Aşqabadda dayanıqlı moda və əşyaların rasional istifadəsi üzrə təşkil olunan eko-moda sərgisi hər il aprelin 22-də qeyd olunan Beynəlxalq Yer Kürəsi Gününə həsr edilib. Sərgidə BMT-nin Türkmənistandakı əlaqələndiricisi Yelena Panova günümüzdə dayanıqlı modanın daha çox əhəmiyyət kəsb etdiyini bildirib. Onun sözlərinə görə, bunun sayəsində həm əhalinin məşğulluğu təmin edilir, hə də iqlim dəyişməsi təhlükəsi azalır. BMT-nin nümayəndəsi əlavə edib ki, bu səbəblərdən dayanıqlı inkişafın üç mühüm tərkib hissəsinə - istehlakın azaldılması, təkrar istifadə və təkrar emal prinsiplərinə əməl olunmasına səy göstərilir.

Aprelin 16-da Quba Rayon İcra Hakimiyyətinin təşkilatçılığı ilə Azərbaycan respublikasının prezidenti İlham Əliyevin son bir il ərzindəki çalışması ilə bağlı toplantı keçirilib

Beşinci Assambleyada quruma yeni sədr seçilməsi və sonda Bakı deklarasiyasının qəbul olunması nəzərdə tutulur

Aprelin 22-24-də Bakı şəhərində Azərbaycan Dövlət Turizm Agentliyinin rəsmi dəstəyi, Azərbaycan Sağlamlıq və Termal Turizmə Dəstək Assosiasiyası və Azərbaycan Sahibkarlar Konfederasiyasının birgə təşkilatçılığı ilə 3-cü Qlobal Sağlamlıq Turizm Forumu və Qlobal Sağlamlıq Turizm Şurasının 5-ci Assambleyası keçiriləcək.Azərbaycan Sağlamlıq və Termal Turizmə Dəstək Assosiasiyasının mətbuat xidmətindən bildirilib ki, “Qlobal Sağlamlıq hamı üçün” şüarı altında gerçəkləşdiriləcək tədbirdə QSTŞ-yə üzv 25 ölkənin milli sağlamlıq turizm qurumlarının rəhbərlərindən, müalicəvi-sağlamlıq sektoru üzrə baş menecerlərindən, aparıcı ekspertlər və nüfuzlu alimlərdən ibarət ümumi sayda 150 nəfər xarici və yerli qonağın iştirakı nəzərdə tutulur.

Aprelin 16-da “Naxçıvanqala“ Tarix-Memarlıq Muzey Kompleksində başlayan növbəti “Kətə” festivalı bu gün başa çatıb.

Tədbirdə aparıcılar festival iştirakçılarına naxçıvanlıların daha çox yaz mövsümündə hazırladıqları kətə növləri haqqında məlumat veriblər. Qeyd olunub ki, xalqımızın qədim kulinariya mədəniyyətində mühüm yer tutan xəmir yeməkləri içərisində kətə məxsusi dadı ilə seçilir. Keçmiş dövrlərdən bu günə qədər Naxçıvanda bişirilən qarışıq göyərti, şomu, çiriş, gicitkən, mərəçüyüd, balqabaq, mərcimək, cəviz kətələri, halvalı kətə, şirin kətə, döymə kətə çox məşhur olub. Yazın ilk aylarında yeyilə bilən yabanı bitkilərdən hazırlanan kətə çeşidləri Naxçıvan mətbəxində xüsusi yerə malikdir. Muxtar respublikanın iqlim şəraiti burada müxtəlif minerallar və vitaminlərlə zəngin olan və yeyilə bilən yabanı bitkilərin yayılmasına imkan verir. Belə bitkilərdən hazırlanan kətə də insan orqanizmi üçün faydalıdır.

Emmanuel Makron: Dünyanın bütün istedadlı memarlarını dəvət edərək katedralımızı yenidən tikəcəyik

Aprelin 15-də Parisin ən görməli yerlərindən biri olan, qədim memarlıq xüsusiyyətləri ilə seçilən Notr-Dam və ya Müqəddəs Məryəm kilsəsində yanğın baş verib. Yanğının söndqürülməsinə 400 yanğınsöndürən cəlb olunsa yanğın 9 saat davam edib. Məryəm Ana katedralındakı yanğının baş verdiyi əraziyə gələn Prezident Emmanuel Makron yanğınsöndürənlərə təşəkkür edib. Prezident yanğınla mübarizənin hələ də davam etdiyini vurğulayıb, lakin daha ciddi təhlükədən yan keçildiyini bildirərək deyib: “Həmvətənlərimizin kədərini, daxili hisslərini anlayıram. Məryəm Ana katedralı bizim tariximizdir. Bu tariximiz yanır. Lakin biz bu katedralı birlikdə yenidən tikəcəyik. Dünyanın bütün istedadlı memarlarını dəvət edərək katedralımızı bərpa edəcəyik”.

Aprelin 16-da Azərbaycan Turizm Bələdçiləri Assosiasiyasının birinci baş assambleyası keçirilib. Tədbirdə Azərbaycan Turizm Bürosunun baş icraçı direktoru Florian Senqstşmid, Azərbaycan Dövlət Turizm Agentliyinin aparat rəhbəri vəzifəsini icra edən Kənan Qasımov və başqaları çıxış edərək assambleyanın məqsəd və hədəflərindən, regionda turizmin inkişafından söhbət açıblar.Bildirilib ki, ölkəmizdə təcrübəli və peşəkar turizm bələdçiləri hazırlamaq üçün təlimlər keçiriləcək, bələdçilər sertifikatlarla təmin ediləcək.Qeyd edilib ki, ötən il ölkəmizə 2 milyon 850 min əcnəbi gəlib. Turizmin inkişafı müasir çağırışlara cavab verən yeni bələdçilər nəslinin formalaşdırılmasını tələb edir. Bələdçi öz ölkəsinin tarixi və coğrafiyası, etnoqrafiyası, mədəniyyət və incəsənətini dərindən bilməlidir. Təbii ki, dil bilikləri ilə yanaşı, peşə təcrübəsindən lazımi istifadəni də bacarmalıdır.