East Anglia Universitetinin (UEA) alimləri okean çökəkliyində mikroskopik canlılar haqqında yeni məlumatlar əldə ediblər. Xarici KİV-ləri xəbər verir ki, dünyanın ən dərin çökəkliyi olan Marian çökəkliyi alim və tədqiqatçıların diqqətini cəlb edir. Tədqiqat rəhbərlərindən biri deyib: “Biz Mars barədə dənizin ən dərin hissələrindən daha çox məlumatlıyıq”.

UEA-nın alimi Jonathan Todd Marian çökəkliyində karbohidrogenlərlə qidalanan bakteriyalar qrupu aşkarladıqlarını bildirib. Onun sözlərinə görə, karbohidrogenlər hidrogen və karbon atomlarından ibarətdir. Bu, xam neft və təbii qazda da mövcuddur. Həmin mikroorqanizmlər neftlə qidalanaraq yaşayırlar.

Kənddəki işlərinizi turistlərlə görüb, pul qazanın

Kənd turizmi bu gün dünyada sürətlə inkişaf edən turizm sahələrindən biridir. Ancaq kənd turizminin kəndə gələn qonaqların sadəcə yatacaq yeri və qida ilə təmin edilməsi kimi anlama gəlməsi fikri yanlışdır. Kənd turizmi əslində kəndə gələn turistə tam mənadə kənd hayatı yaşatmağı nəzərdə tutur. Bu baxımdan hər kəs öz kənd evinin, həyatyanı sahəsinin, təsərrüfatının, yerli iqlim, ilin fəsli və ətraf təbiətin, goqrafi məkanın yaratdığı imkanlardan instifadə edərək turistlərə tam fəqli və fərdi turizm xirmət paketləri təqdim edə bilər.

Aprelin 12-də “Azərosmos” ASC tərəfindən Azərbaycanda ilk dəfə raket modelçiliyi – “Rocketry Azerbaijan” festivalı keçirilib.Təhsil Nazirliyi və “Azərkosmos” ASC-nin birgə keçirdiyi “CanSat Azərbaycan 2019” tələbə model peyk müsabiqəsi çərçivəsində baş tutan festivalda müsabiqənin layihələndirmə mərhələsini uğurla keçən komandalar iştirak edib.

Festival çərçivəsində “Azərkosmos” və Rusiyanın “Kassiopeya” fondunun mütəxəssisləri tərəfindən müsabiqə iştirakçılarına daşıyıcı raketlərin strukturu, xüsusiyyəti və iş prinsipi barədə təlim keçirilib. Təlim əyani olaraq raket modelləri üzərində aparılıb.

Azərbaycan kartof idxalından tamamilə imtina etməyi planlaşdırır. bunu Meyvə-Tərəvəz İstehsalçıları və İxracatçıları Assosiasiyasının rəhbəri Bəşir Quliyev deyib.

Meyvə-Tərəvəz İstehsalçıları və İxracatçıları Assosiasiyasının rəhbəri Bəşir Quliyev qeyd edib ki, 2018-ci ilin sentyabr-oktyabr aylarında kartof idxalına gömrük rüsumu dərəcəsi artırılıb və bunun hesabına yerli istehsalçılar öz məhsulunu sata bilib:"Bu gün bu sahəyə böyük maraq var və investisiyalar qoyulur. Lazımi şərait yaradılır, məhsulun saxlanması üçün anbarlar tikilir".

Doğma obanı, meşələri, dağları yaxşı tanımağın gətirdiyi biznes imkanı

Şəhərdən, paytaxtdan və başqa ölkələrdən Azərbaycanın təbiəti ilə zəngin görməli-gəzməli bölgələrinə üz tutan turistlərin heç də hamısı gedəcəkləri yerləri elə də yaxşı tanımırlar, xüsusən də əgər söhbət xarici turistlərdən gedirsə.

Turizm şirkətləri adətən turistlərə qrup halında bələdçilik edən xüsusi şəxslər ayırırlar, ancaq elə insanlar da var ki, onlar təbiət qoynuna, turizm şirkətinə müraciət etmədən, özləri - dostlari, ailəsi ilə getməyə üstünlük verirlər.

Filippində alimlər naməlum insan növünün qalıqlarını aşkar ediblər. Bu barədə “Nature” jurnalı məlumat yayıb.Bildirilir ki, Filippinin Luson adasındakı Kalyao mağarasında üç şəxsə məxsus olan barmaq və bud sümüklərinin, həmçinin dişlərin qalıqları aşkar edilib. Onların yaşının təqribən 50-67 min il arası olduğu qeyd edilir.

Tədqiqatçıların rəyinə görə, tapılan fraqmentlərin morfoloji əlamətlərinin məcmusu deməyə əsas verir ki, bu qalıqlar indiyədək məlum olan insan növlərinə, o cümlədən nə “Homo floresiensis”ə, nə də “Homo sapiens”ə aid deyil. Bu qalıqlar tamamilə yeni insan növünə aiddir və onun tapıldığı Luson adasının adına uyğun olaraq “Homo luzonensis” adlandırılması qərara alınıb.

 Yaz vaxtı üzüm tənəklərinin budanılması mövsümi aqrotexniki tədbirdir. Adətən budanmış budaqların içindan və kəsik yerlərdən damcılar axır. Mütəxəssilərin verdiyi məlumata görə, həmin damcıların tərkibində olan vitamin, mineral və fermentlərdən müxtəlif məqsədlərlə istifadə edilir: “Üzüm tənəyi kəsildikdən sonra axan damcıları bir qaba toplanılaraq soyuducuda saxlanır və toplanılmış sudan yarım stəkan səhər acqarına içilməsi böyrək və öd daşlarını əridir. Hər gün həmin suyun 30-40 qramı ilə saç diblərini isladılması saçların gurlaşmasına, qaşınma və kəpəklənmənin aradan qalxmasına, saç tökülmənin dayanmasına səbəb olur.

Aprelin 18-də Beynəlxalq Abidələr və Tarixi Yerlər Günü münasibətilə Dövlət Turizm Agentliyinin tabeliyində olan qoruqlarda “Açıq qapı” günü elan ediləcək. Agentlikdən bildirilib ki, “Yanardağ” Dövlət Tarix-Mədəniyyət və Təbiət, “Atəşgah Məbədi” Dövlət Tarix-Memarlıq, “Basqal” Dövlət Tarix-Mədəniyyət, “Xınalıq” Dövlət Tarix-Memarlıq və Etnoqrafiya, “Lahıc” Dövlət Tarix-Mədəniyyət, “Yuxarı Baş” Dövlət Tarix-Memarlıq (Şəki şəhəri “Karvansaray” mehmanxana kompleksi daxil olmaqla) və “Kiş” Dövlət Tarix-Memarlıq qoruqlarına giriş həm yerli, həm xarici turistlər üçün qeyd edilən tarixdə saat 10:00-dan axşam saat 19:00-dək pulsuz olacaq.