Quba rayonunun Zərdabi qəsəbəsindən olan Vətən Müharibəsi şəhidi Məhəmmədov Musa Bəhram oğlunun valideynləri Bəhram və Rübabə Məhəmmədovların ailəsində Musa və Alisa adlı əkizlər dünyaya
gəlib. Bu münasibətlə avqustun 21-də Rayon rəsmiləri Zərdabi qəsəbəsində şəhidimizin ailəsini ziyarət edərək, körpələr üçün müxtəlif adda hədiyyələr təqdim ediblər. Qeyd edək ki, Musa Məhəmmədov 2020-ci il oktyabrın 2-də Goranboy rayonu Buzluq kənd yaşayış məntəqəsi istiqamətində, düşmənlə təmas xəttində hərbi əməliyyatlar zamanı şəhid olub. O, Azərbaycan Respublikasının Prezidenti İlham Əliyevin sərəncamı ilə “Kəlbəcərin azad olunmasına görə” medalı ilə təltif edilib.