Belçika Federal Parlamentinin Nümayəndələr Palatasının yəhudi əsilli deputatı
Mixael Fraylix və onun jurnalist xanımı Nexama Blox Quba rayonuna səfər etmişlər. Səfərdə Azərbaycan Respublikası Milli Məclisinin Azərbaycan - Belçika parlamentlərarası işçi qrupunun rəhbəri, deputat Kamal Cəfərov və Azərbaycan Respublikası Dini Qurumlarla İş üzrə Dövlət Komitəsinin əməkdaşı Səfər Səfərli iştirak ediblər. Səfər çərçivəsində qonaqlarla Quba Rayon İcra Hakimiyyətində Rayon İcra Hakimiyyəti başçısının səlahiyyətlərini müvəqqəti icra edən, başçının birinci müavini Tariyel İbrahimov, Rayon İcra Hakimiyyətinin məsul şəxsləri və Dini Qurumlarla İş üzrə Dövlət Komitəsinin Quba bölgəsi üzrə şöbəsi müdirinin iştirakı ilə görüş keçirilib.Görüşdən sonra qonaqlar dağ yəhudilərinin kompakt şəkildə məskunlaşdığı Qırmızı Qəsəbədə olublar.Onlar buradakı sinaqoqlar, Ümumdünya Dağ Yəhudilərinin Tarix-Etnoqrafiya Muzeyi ilə tanış oldular. Səfər sonunda Mixael Fraylix Quba şəhərində yerləşən “Soyqırımı Memorial Kompleksi”ndə oldu. Ona erməni vandallarının 1918-ci ildə Azərbaycanda törətdikləri insanlığa sığmayan vəhşilikəri haqqında ətraflı bilgi verildi. Hörmətli qonaq muzeyin xatirə kitabına ürək sözlərini yazdı.
{youtube}oWRrIUDa4cc{/youtube}