Milli Məclisə keçirilən növbədənkənar seçkilər Xaçmaz sakini üçün olduqca yadda qalan olub .Belə ki, 2002-ci il təvəllüdlü Xaçmazlı gənc doğum gününü seçki məntəqəsində qeyd edib.
Seçkidə ilk dəfə iştirak edən Xaçmaz rayonunun Qaradağ Buduq kənd sakini Bahadır Müslümov seçki məntəqəsində xoş sürprizlə qarşılaşıb.Belə ki,fevralın 9-da doğum gününü qeyd edən Bahadır Müslümovu ilk təbrik edən 55 saylı Xaçmaz şəhər seçki dairəsinin 21 saylı məntəqəsinin komissiya üzvləri olub. 18 yaşı tamam olan gəncə Mərkəzi Seçki Komissiyası tərəfindən göndərilmiş “İlk dəfə səs verən seçici” vəsiqəsi təqdim olunub.Təbriklərə görə minnətdarlığını bildirən gənc seçki gününə təsadüf edən ad gününün yaddaşında ən unudulmaz an kimi qalacağını deyib.