UŞAQLARIN BEYNƏLXALQ MÜDAFİƏSİ GÜNÜ QEYD EDİLDİ

1 iyun Uşaqların Beynəlxalq Müdaifəsi gününü Azərbaycan milli rəqslərini hər çağ ucalarda görməyi və rəqslərimizin təbliğində öz rollarının da olmasını istəyən "Elay" rəqs qrupu rəngarəng rəqs proqramları ilə qeyd etdi. 4 ilə yaxın bir vaxt ərzində Azərbaycan milli rəqslərinin tanıdılması istiqamətində işlər görən, 4 yaşından 15 yaşına kimi uşaq və yeniyetmələrin həvəslə qatıldığı "Elay" rəqs qurupu qısa bir vaxtda Azərbaycanda tanınmağı bacarıb, müxtəlif festivallara qatılaraq yüksək nəticələr göstərə bilib. Uşaqların Beynəlxalq Müdafiəsi gününə həsr edilən konsert proqramında balaca rəqssevərlər Azərbaycan milli rəqslərindən İnnabı, Tərəkəmə kimi milli rəqslər ifa etdilər, çevik və elastik hərəkətlərlə akrobatik rəkslər göstərdilər. "Elay" rəqs qrupunun göstərdiyi konsert proqramı izləyicələr tərəfindən maraqla qarşılandı. Konsert proqramının sonunda bacarıqlı balaca rəqqaslar özəl tərifnamələrlə təltif edildilər.