ULU ÖNDƏRİN QUBA ŞƏHƏRİNDƏKİ ABİDƏSİ ZİYARƏT EDİLİB

12 dekabr 2024-cü il tarixdə böyük dövlət xadimi, müasir müstəqil Azərbaycan dövlətinin memarı və qurucusu, Ümummilli Lider Heydər Əliyevin vəfatının iyirmi birinci ildönümü ilə əlaqədar Ulu Öndərin Quba şəhərində adını daşıyan mədəniyyət və istirahət parkındakı abidəsi səhər saatlarında Quba Rayon İcra Hakimiyyətinin başçısı İlqar Mahmudov, Rayon İcra Hakimiyyətinin kollektivi, YAP Quba rayon təşkilatının sədri, rayonun hüquq-mühafizə orqanlarının rəhbərləri, şəhid ailələri və qazilər, idarə, müəssisə, təşkilat rəhbərləri, həmçinin bir qrup rayon ictimaiyyətinin nümayəndəsi tərəfindən ziyarət edilib. Ziyarətdən sonra Rayon İcra Hakimiyyəti tərəfindən ehsan mərasimi təşkil olunub. Tədbirdə iştirak edən din xadimləri tərəfindən “Qurani-Kərim”dən ayələr oxunub, Ulu Öndər Heydər Əliyevin və şəhidlərimizin əziz xatirəsi böyük ehtiramla yad edilib. Qeyd edək ki, ehsan mərasimində Rayon rəsmiləri, ictimaiyyət nümayəndələri və aztəminatlı şəxslər iştirak edib.