TÜRKİYƏDƏKİ DƏHŞƏTLİ YANĞINDA ÖLƏNLƏRİN SAYI ARTDI

Türkiyənin Bolu şəhərindəki dağ-xizək kurortunda güclü yanğın baş verib. Bu barədə bilgini Türkiyə mətbuatı yayıb. Verilən bilgiyə görə, Bolunun Qartalqaya dağ-xizək kurortunda otellərdən birində baş verən yanğın nəticəsində 76 nəfər ölüb, onlarla yaralı var. Bu barədə Türkiyənin daxili işlər naziri Əli Yerliqaya bildirib. Yanğın səbəbindən oteldə olan qonaqların başqa otellərə təxliyə edildiyi bildirilir. Qeyd edək ki, ölən və yaralananlar arasında Azərbaycan vətəndaşı yoxdur.Bu barədə Azərbaycan Xarici İşlər Nazirliyinin mətbuat katibi Ayxan Hacızadə bildirib. Onuda qeyd edək ki, Türkiyənin Bolu vilayətinin Kartalkaya dağ-xizək mərkəzinin hotelində baş vermiş yanğınla bağlı qardaş ölkədə matəm elan olunub. Bununla əlaqədar ölkə ərazisində dövlət bayrağı yarıya qədər endirilib.