TÜRKİYƏ BU TARİXDƏ ERMƏNİSTANLA SƏRHƏDİ AÇIR

Ermənistanla Türkiyə sərhədində yerləşən Marqara keçid məntəqəsi martın 1-də açıla bilər. Bu barədə "Nyus.am” diplomatik mənbəyə istinadla bilgi yayıb. Bildirilib ki, keçid məntəqəsini Ermənistanın Milli Təhlükəsizlik Xidməti mühafizə edəcək. Ermənistan XİN isə Türkiyə ilə sərhədin açılmasını təkzib edib. Nazirliyin mətbuat katibi Ani Badalyan bildirib ki Marqara sərhəd-keçid məntəqəsinin açılması ilə bağlı heç bir irəliləyiş yoxdur. Ermənistan tərəfi bu məsələ ilə bağlı yenilik olduğu təqdirdə bilgi verəcəklərini açıqlayıb. Xatırladaq ki, Sərhəd qapısının açılması ehtimalı ilk dəfə 2024-cü ilin iyulunda iki ölkənin xüsusi nümayəndələri Ruben Rubinyan və Serdar Kılıçın Marqara yaxınlığında keçirdiyi görüşün nəticələrinə uyğun olaraq ortaya çıxdı. Qeyd edək ki,Erməni tərəfi keçid məntəqəsinin təmiri və təchizatına təxminən 2,5 milyon dollar xərcləyib.