REKTOR RAMAZANIN İLK İFTARINI TƏLƏBƏLƏRLƏ BİRLİKDƏ ETDİ

Qırğızıstan-Türkiyə Manas Universitetinin rektoru Prof. Dr. Alpaslan Ceylan hər il olduğu kimi bu il də Ramazanın ilk iftarını tələbələrlə birlikdə etdi. Yeməkxanada tələbələrin boşqablarına yemək çəkərək onlarla birlikdə dua edib iftar açan Prof. Dr. Alpaslan Ceylan, iftar vaxtlarında çox sevdiyi tələbələrlə tez-tez görüşməyin Manas Universitetində Ramazanın ən gözəl tərəflərindən biri olduğunu söylədi. Manas Ailəsi üçün Ramazanın hörmətin, sevginin, qardaşlığın, həmrəyliyin və paylaşmağın daha da möhkəmləndiyi bir zaman olduğunu vurğulayan Alpaslan Ceylan, bolluq və bərəkətlə gələn on bir ayın sultanı Ramazan boyunca iftar yeməklərinin ən az 1500 tələbəyə Manas universitetinin əməkdaşları, iş adamları və müxtəlif qurum nümayəndələrinin dəstəyi ilə ödənişsiz təqdim edildiyini xatırlatdı. Hər il ilk iftarı tələbələrlə açan, tələbələri iftarda evində qonaq edən və yataqxanadan kənarda yaşayan tələbələrin evinə iftar qonağı gedən Rektor Alpaslan Ceylan, Manas Universiteti tərəfindən Qırğızıstana gətirilən və Manasda bir ənənəyə çevrilən Anadolu mədəniyyətinin qədim nümunəsi olan “Səyyar İftar”ın bu il də tələbələrin aktiv iştirakı ilə həyata keçiriləcəyini, minlərlə qonağın Ənənəvi Manas Səyyar İftarında Çingiz Aytmatov Kampusunda bir araya gələcəyini vurğuladı. Qırğızıstan-Türkiyə Manas Universitetində böyük sevinclə və həyəcanla qarşılanan Ramazan ayı boyunca həm kampusda müxtəlif dini və mədəni tədbirlər təşkil edilir, həm də universitetin ölkə üzrə yayımlanan Manas Televiziyasının “Müqəddəs Ramazan” adlı proqramında iftar və sahur vaxtlarında Ramazana aid xüsusi mövzular müzakirə olunur. #Qırğızıstan #Türkiyə #ManasUniversiteti #rektor #Ramazan #iftar