QƏHVƏYİ MƏRMƏR BAĞACIĞINA QARŞI MÜBARİZƏ DAVAM ETDİRİLİR

Qəhvəyi mərmər bağacığının ölkə ərazisində yayılmasının qarşısını almaq məqsədilə kompleks tədbirləri davam etdirilir. Bu çərçivədə Quba rayon İcra Hakimiyyəti və KTN-yi yanında AXA-nin(Aqrar Xidmətlər Agentliyi) Bitki Mühafizə Fumiqasiya (zərərsizləşdirmə) Mərkəzinin birgə təşkilatçılığı ilə tədbir təşkil olunub. Tədbirin məqsədi əhalini yerlərdə bu zərərvericiyə qarşi mübarizədə təlimatlandırmaqdır. Tədbirə rayonun İcra nümayəndələri və Bələdiyyə sədrləri dəvət olunub. Temperaturun aşağı düşməsi səbəbindən bağacıq sığınacaq üçün yaşayış yerlərinin dam örtüklərinə və yardımçı tikililərə daxil olması səbəbindən mübarizəyə sakinləri də cəlb etmək İcra nümayəndələri və Bələdiyyə sədrlərinə rayon İcra hakimiyyəti tərəfindən tapşırılıb. Tədbirdə çıxış edənlər bildiriblər ki, son vaxtlar ölkənin şimal sərhəd rayonlarına qonşu Gürcüstan və Rusiyadan yayılan xüsusi təhlükəli zərərli Qəhvəyi Mərmər Bağacığı əhali arasında böyük narahatçılığa səbəb olub. Bu zərərvericinin aşkarlanması, yayılma arealının təyin olunması istiqamətində Aqrar Xidmətlər Agentliyinin Bitki Mühafizə Fumiqasiya Mərkəzinin və QTA-nin birgə manitorinqləri aparılıb. Manitorinqlərin nəticəsinə görə Xaçmazin Nabran Yalama ərazilərində miqrasiyanın kütləviliyi aşkarlanıb. Quba rayonunun Hacıhüseyinli İƏD-nin Qımılqışlaq kəndində də eyni hal müşahidə olunub. Tədbirin sonunda İcra nümayəndələri və Bələdiyyə sədrlərinə maarifləndirici bukletlər paylanılıb.Qeyd edək ki, Qəhvəyi mərmər bağacığı ən təhlükəli karantin zərərvericilərindən hesab edilir. Məhsudarlığa ciddi ziyan vura bilir. Polifaq bir zərərvericidir, onun qidalandığı təxminən 300-dən çox fərqli bitki növü vardır.