QUBALILAR ZƏFƏR GÜNÜNÜ BELƏ QEYD ETDİLƏR

Ölkənin hər bir yerində olduğu kimi Zəfər bayramı Qubada da xüsusi coşqu ilə keçirilib. Gün ərzində rayonda tarixi günlə bağlı silsilə tədbirlər baş tutub. Səhər saatlarında şəhid ailələri, veteranlar,rayon rəsmiləri və ictimaiyyət nümayəndələri Quba Şəhidlər Xiyabanında şəhid məzarlarını ziyarət edib. Ziyarət gün ərzində davam edib. Günün ikinci yarısında Quba "Asan Xidmət" mərkəzinin qarşısında bayram konserti keçirilib. Konsert proqramından sonra “Quba meydanı” mədəniyyət və istirahət parkında tanınmış dijeyin iştirakı ilə bayram şənliyi davam edib. Konsert proqramı atəşfəşanlıqla başa çatıb.