QUBALILAR TÜRKİYƏYƏ YARDIM YOLLADILAR

Bu gün Qubalıların Kahramanmaraşda zəlzələ nəticəsində zərər çəkmiş vətəndaşlar üçün topladığı humanitar yardımı daşıyan yük maşınları Qubadakı cümə məsçidinin qarşısından yola salınıb. Qısa müddət keçməsinə baxmayaraq, insanlar çağırış ünvanına axın edir. Aksiyaya qoşulanlar arasında adi vətəndaşlar, sahibkarlar, iş adamları, hətta qocalar və uşaqlar da var. Ötən gündən başlayan kampaniya çərçivəsində toplanan paltar, ədyal, quru qida və gigiyena materiallarından ibarət 3 yük maşını bu saatlarda yola düşüb.