QUBADA ŞƏHİDƏ HƏSR OLUNAN KİTAB TƏQDİM OLUNDU

Azərbaycan Dövlət Pedaqoji Universitetin Quba filialında Şəhid Müşfiq Nəsirovun əziz xatirəsinə həsr olunmuş “Vətən Fədaisi”adlı kitabın təqdimat mərasimi keçirilib. Kitabın müəllifi Azərbaycan Yazıçılar Birliyinin üzvü, 3- cü dərəcəli Əmək Şöhrəti ordenli, qocaman müəllim-Şıxəmməd Seyidməmmədovdur. Tədbir Heydər Əliyev Lektoriyasının müdiri Nəhayət Şirinovanın moderatorluğu ilə reallaşıb. Tədbirdə şəhidin ailə üzvləri, Şəhid ailələri, Quba Rayon İcra Hakimiyyətinin məhsul şəxsləri,Azərbaycan Dövlət Pedaqoji Kollecinin struktur rəhbərləri və əməkdaşları, ADPU-nun Quba filialının əməkdaşları, Tüləkəran Ağsaqqallar Şurasının Sədri, Tüləkəran və Suxtakələ kənd məktəbinin rəhbərliyi və müəllim heyəti, ictimaiyyət nümayəndələri, media mənsubları və yazarlar iştirak ediblər. Kitabın müəllifi çıxış edərək 44 günlük Vətən müharibəsinin qəhrəmanlarından biri, şəhid Müşfiq Nəsirovun Vətən müharibəsində keçdiyi şərəfli döyüş yolundan danışıb. Bildirib ki, Qəhrəman hərbçinin ömrünün şəhadətə qədərki dövrü və həyatının fərqli zamanlarına aid şəkillər də kitabda öz əksini tapıb. Sonra çıxış edənlər Şəhid Müşfiq Nəsirovla bağlı xatirələrini bölüşdülər və “Vətən Fədaisi” kitabını yüksək dəyərləndirərək müəllifə təşəkkürlərini bildirdilər. Tədbirdə şəhid Müşfiq Nəsirovun qısa və mənalı həyat yolundan bəhs edilən vidyo-çarx nümayiş etdirilib. Şəhidin atası Əjdər Nəsirov və Çiçək Nəsirova tədbirdə iştirak edən hər kəsə özü və ailəsi adından təşəkkürünü bildirib.Sonra şəhidin əşyalarından ibarət sərgi təşkil olunub olub. Sonda tədbir iştirakçıları xatirə fotosu çəkdirdilər.