QUBADA ŞƏHİDLƏRİN ORDEN VƏ MEDALLARI AİLƏ ÜZVLƏRİNƏ TƏQDİM EDİLDİ

Quba Rayon İcra Hakimiyyətində cari ildə Azərbaycan Respublikasının Prezidenti cənab İlham Əliyevin Sərəncamları ilə orden və medallarla təltif edilmiş şəhidlərin ailə üzvlərinə təltifatların təqdim edilməsi və ilin yekunlarına həsr olunmuş yığıncaq keçirilib. Yığıncaqda Quba Rayon İcra Hakimiyyətinin başçısı Ziyəddin Əliyev, YAP Quba rayon təşkilatının sədri, rayonun hüquq-mühafizə orqanlarının rəhbərləri, Rayon İcra Hakimiyyətinin kollektivi, şəhid ailələri, rayon Ağsaqqallar Şurasının sədri və Rayon İcra Hakimiyyəti yanında İctimai Şuranın sədri iştirak edib. Prezident İlham Əliyevin şəhid ailələrinə göstərdiyi diqqət və qayğısından söz açan, rayon rəhbəri qeyd etdi ki, şəhidlərimizin adlarının əbədiləşdirilməsi istiqamətində bundan sonra da geniş tədbirlər görüləcək. Şəhid ailələrinin üzvləri göstərilən diqqətdən məmnun olduqlarını dilə gətirməklə yanaşı, buna görə dövlət başçısı prezident İlham Əliyevə təşəkkür ediblər.