QUBADA ŞƏHİD GENERAL POLAD HƏŞİMOV ANILDI

Quba Fizika riyaziyyat və informatika təmayüllü Respublika liseyində Azərbaycanın Milli Qəhrəmanı, şəhid general-mayor Polad Həşimova həsr olunmuş “Ölümsüz ömür yaşayan səngər generalı” adlı tədbir keçirilib. Tədbir Dövlət Himninin səsləndirilməsi və Vətən uğrunda canlarını qurban verən şəhidlərin əziz xatirəsinin bir dəqiqəlik sükutla yad edilməsi ilə başlayıb.Sonra liseyin direktoru Kamran Əliyev qonaqları salamlayaraq tədbiri açıq elan etdi. Kamran Əliyev Polad Həşimov kimi igid Azərbaycan oğullarının göstərdiyi şücaət və qəhrəmanlıqlardan, belə igidlərdən örnək alan gənc nəslin üzərinə düşən vəzifələrdən danışdı. Tədbir şagirdlərin vətənpərvərlik mövzularında hazırladıqları ədəbi-bədii kompozisiyalarla davam edib. Liseyin 9-cu sinif şagirdi Cahan Xıdırlı şəhid general-mayor Polad Həşimova həsr edilən “Cənab general” şeirini səsləndirdi. Şagirdlər Fatimə Əliyeva və Leyla Kərimovanın səsləndirdiyi “General” mahnısı tədbir iştirakçıları tərəfindən yüksək rəğbətlə qarşılandı. Daha sonra “Qələbə bizimdir” adlı səhnə göstərildi. Daha sonra şagirdlərin ifasında şerlər, rəqslər, mahnılar və “Polad Həşimovun həyat hekayəsi” adlı səhnə nümayiş etdirildi. Tədbirdə qonaq qismində cənab generalımızın bacısı Arzu Həşimova, qardaşı Arzu Həşimov , həmçinin övladları bu liseydə təhsil alan digər şəhid ailəsi üzləri də iştirak edirdi. Sonda Şəhid ailələri tədbirin təşkilatçılarına təşəkkür etdilər.