QUBADA VƏTƏN MÜHARİBƏSİ ŞƏHİDİNİN AD GÜNÜ QEYD EDİLDİ

25 fevral 2023-cü il tarixində Quba rayonunun Əlibəyqışlaq kəndi sakini, İkinci Qarabağ müharibəsində şəhidlik zirvəsinə yüksələn Əhmədov Rəvan Yafət oğlunun ad günü şəhidin məzarı önündə və evində, rayonun məsul şəxsləri, kənd sakinləri, şəhidin ailə üzvləri, ağsaqqallar, məktəblilər və qazilərlə birlikdə qeyd olundu. Sinxron – YAFƏT ƏHMƏDOV ŞƏHİDİN ATASI Əvvəlcə Şəhidin əziz xatirəsi ehtiramla yad olunub, məzarı üzərinə gül dəstələri düzülüb, ruhuna dualar oxunub. Mərasim iştirkaçıları şəhidin ailəsinə baş sağlığı verərək, Azərbaycan Ordusunun qüdrətindən, şəhidlərimizin döyüş zamanı göstərdiyi qəhrəmanlıqlardan söz açmış və rəşadətli ordumuz, qəhrəman oğullarımız qəhrəmanlıq göstərərək həyatları bahasına torpaqlarımızı işğalçılardan azad etdiyini qeyd etdilər.