Qubanın Dəvədabanı yaşayış massivində yerləşən məişət tullantıları poliqonunda ötən gün başlayan yanğının qarşısı alınıb.
Yüksək temperaturun təsiri ilə tullantıların dərin qatlarında yaranan tüstü ətrafa yayılıb. Poliqona yaxın ərazidə yaşayanlar üçün isə əsas narahatlıq havaya yayılan tüstüdür. Yanğının daha geniş əraziyə yayılmasının qarşısının alınması üçün ötən gün axşam saatlarından müvafiq tədbirlər görülüb. Hazırda ərazidə yerli qurumların texnikası və canlı qüvvəsi yanğının söndürülməsi istiqamətində işlər görür. Mütəxəssislərin fikrincə, yüksək temperatur məişət tullantılarının toplandığı ərazilərdə yanğın riskini artıran amillərdəndir. Bu səbəbdən belə ərazilərdə təhlükəsizlik tədbirlərinin gücləndirilməsi və yanğınlara vaxtında müdaxilə vacibdir. Hazırda poliqonda əsas məqsəd tüstülənmənin tam dayandırılması və ərazinin təhlükəsiz vəziyyətə gətirilməsidir.