QUBADA REYD KEÇİRİLDİ

Qubada yerli və xarici turistləri daşıyan avtobuslara qarşı nəzarət- profilaktiki tədbir keçirilib. Sürücü məsuliyyətsizliyinin nəticəsini bir neçə gün əvvəl Şəki rayonunda baş verən qəzada bir daha gördük . Bu səbəbdən də Quba RPŞ-nin Dövlət Yol Polisi Bölməsinin əməkdaşları rayon ərazisində turistləri daşıyan avtobuslara qarşı nəzarət- proflaktiki tədbir keçiriblər. DİN- in Mətbuat Xidmətinin Quba regional qrupundan verilən məlumatda bildirilir ki, keçirilən tədbir zamanı bir çox kobud qayda pozuntularına yol verən sərnişinlərin mənzil başına təhlükəsiz çatmaları üçün tələb olunan normativlərə riyaət etməyən sürücülər aşkarlanıb. Normadan xeyli artıq sayda sərnişin daşıyan , qanunvericilikdə müəyyən edilmiş qaydada da texniki baxışdan keçməyən , istismara yararsız , əlavə avadanlıqlar quraşdırılmış , sərnişindaşıma ilə məşğul olmaq üçün fəqrlənmə nişanı olmayan iri və kiçik tutumlu avtobuslar aşkarlanıb. Sadalanan faktlarla bağlı sürücülər haqqında qanunamüvafiq tədbirlər görülüb.