QUBADA 14 NƏFƏR QARLI HAVADA YIXILARAQ XƏSTƏXANALIQ OLDU

Fevralın 20-i gecə saatlarından başlayaraq Quba rayonunun ərazisinə qar yağıb. Qar yağması ilə əlaqədar dağlıq ərazilərdə temperatur aşağı düşüb. Qubada yerləşən Şimal-Şərq Regional Hidrometeorologiya Mərkəzindən bildiriblər ki, ən çox qar Qubanın Qrız kəndinə yağıb. Qarın yağması ilə əlaqədar şimal bölgəsinin dağlıq ərazilərinə gedən yollarda avtomobillərin hərəkəti çətinləşsə də, bütün istiqamətlərdə yollar açıqdır. Hava şəraiti ilə əlaqədar Dövlət Yol Polisi əməkdaşları və Azərbaycan Avtomobil Yolları Dövlət Agentliyinin yerli idarəsinin növbətçi briqadaları gücləndirilmiş iş rejimində çalışır.Yolların hərəkət hissəsi qardan təmizlənərək qum-duz qarışığı səpilir. Çəkiliş zamanı apardığımız müşahidələr yaxşı hallarla yanaşı və pis halların da olduğu qənaətinə gəlməyimizə imkan verir. Belə ki, səkilər ümumiyyətlə təmizlənmir. Ona görə də yol hərəkətinin ən kütləvi iştirakçısı olan piyadalar çox çətinliklə hərəkət edirlər, hətta belə qarlı-buzlu vaxtda piyada olaraq yıxılıb yüngül də olsa xəsarət alanlar avtoqəzalarda xəsarət alanlardan xeyli çox ola bilər.Əlbətdə ki, qarın yağması bir çox hallarda böyüklərin işini çətinləşdirsə də, uşaqların sevincinə səbəb olur. Qartopu oynamaq, qar adamı düzəltmək və xizəklərlə sürüşmək onların ən sevimli əyləncəsi sayılır. Ekologiya və Təbii Sərvətlər Nazirliyinin sözçüsü İradə İbrahimova bildirib ki, soyuq və qeyri-sabit hava şəraiti 5 gün ərzində davam edəcək və bu qışın ən uzunmüddətli soyuq dövrü olacaq. Qeyd edək ki, Hazırda da şimal bölgəsində qar yağmaqda davam edir.