QUBA RİH-DƏ XOCALI SAKİNLƏRİ İLƏ GÖRÜŞ KEÇİRİLİB

26 fevral 2025-ci il tarixdə Quba Rayon İcra Hakimiyyətində Xocalı soyqırımının otuz üçüncü ildönümünə həsr olunmuş görüş keçirilib. Tədbirdə Quba Rayon İcra Hakimiyyətinin başçısı İlqar Mahmudov, Rayon İcra Hakimiyyətinin məsul şəxsləri və Quba rayonunda məskunlaşmış Xocalı sakinləri iştirak edib. Görüşdə Xocalı faciəsinin təkcə Azərbaycan xalqına qarşı deyil, bütün insanlığa, bəşəriyyətə qarşı yönəlmiş və xüsusi amansızlıqla törədilmiş ən ağır hərbi cinayətlərdən biri olduğu qeyd edilib. Habelə Ulu Öndər Heydər Əliyevin hakimiyyətə qayıdışından sonra 1994-cü ildə Azərbaycan Respublikasının Milli Məclisinin Xocalı faciəsini soyqırım kimi qiymətləndirməsi və dünya dövlətlərinə müraciətin qəbul edilməsi, Prezident İlham Əliyevin beynəlxalq aləmdə apardığı səylər və Heydər Əliyev Fondunun təşəbbüsü ilə geniş vüsət almış “Xocalıya ədalət” kampaniyası çərçivəsində dünya ölkələri və beynəlxalq təşkilatlar tərəfindən Xocalı qətliamı ilə bağlı bir sıra mühüm qərarların qəbul edildiyi vurğulanıb. Tədbirdə 2020-ci ildə Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusunun parlaq Qələbə qazanaraq doğma torpaqlarımızı işğaldan azad etməsi, 2023-cü ilin sentyabr ayında birgünlük lokal xarakterli antiterror tədbirləri zamanı Qarabağdakı qeyri-qanuni erməni hərbi birləşmələrin tərksilah edilməsi, ölkə Prezidentinin 15 oktyabr 2023-cü il tarixdə Xocalı şəhərində və Xocalı rayonunun Əsgəran qəsəbəsində Azərbaycan Respublikasının Dövlət Bayrağını ucaltmasının bütün xocalıları xüsusilə qürurlandırması qeyd edilib.