QIRĞIZISTAN AZƏRBAYCAN RƏSSAMLARININ GÖZÜ İLƏ

Bakıda “Qırğızıstan, Azərbaycan rəssamlarının gözü ilə” adlı sərgi keçirilib. Tədbirdə Qırğız Respublikasının səfiri Kayrat Osmonaliyev, mədəniyyət adamları və digər şəxslər iştirak ediblər.Sərginin açılış mərasimində çıxış edən səfir diqqətə çatdırıb ki, sərgi Azərbaycanla Qırğızıstan arasında diplomatik əlaqələrin qurulmasının 30 illiyinə həsr edilib. Səfir vurğulayıb ki, Azərbaycanla Qırğızstan arasında diplomatik əlaqərlər 1993-cü ilin yanvarından qurulsa da hər iki qardaş dövlət arasında bağlılığın yaşı qədim köklərə söykənir Səfir Kayrat Osmonaliyev tədbirdə iştirak etdikləri üçün Azərbaycan Rəssamlar İttifaqına, Beynəlxalq Türk Mədəniyyəti və İrsi Fonduna, müxtəlif ölkələrin səfirlərinə, media nümayəndələrinə təşəkkür edib. Sərgidə Qırğızıstan mövzusunda 125 rəsm əsəri nümayiş etdirilib. Sərgilənən rəsm əsərlərində Azərbaycan və Qırğızsıtan dostluğu üzrəində hər iki dövlətin bayraq təsviri olan qartalların səmada birgə süzməsi, Qırğızsıstan xalqının gələnəklərini, yaşamını əks etdirən əsərlər diqqət çəkib. Tədbir zamanı, sərgidə nümayiş olunan rəsmlərin müəlliflərinə Qırğızıstan səfirliyi adından diplomlar və müxtəlif hədiyyələr təqdim edilib.