QAFQAZ TV TƏLƏBƏLƏRƏ TƏCRÜBƏ SERTİFİKATI VERİR

Sosial – İqtisad kollecində regionun ən baxımlı kanalı olan Qafqaz TV – də keçiriləcək üç aylıq təcrübə proqramı ilə bağlı tələbələrlə görüş keçirilib. Görüşdə Qafqaz Müstəqil Televiziya və Radio Şirkətinin direktoru Eltən Qədimbəyli, TV-nin əməkdaşları və təcrübə proqramı ilə maraqlanan tələbələr iştirak ediblər. Görüşü açıq elan edən Televiziyanın əməkdaşı Xanım Xatun qeyd etdi ki, təcrübə proqramının əsas hədəf obyekti tələbələrdir. O, Qafqaz TV-nin onlar kimi gənclər üçün təşkil etdiyi təcrübə proqramının faydaları haqqında ətraflı bilgi verdi. Sonra Televiziyanın direktoru Eltən Qədimbəyli sözə başlayaraq qeyd etdi ki, Qafqaz TV çoxşaxəlidir və televiziyanın gənclər üçün yaratdığı imkanlar onların gələcək perspektivlərinin artırılmasına xidmət edir. Televiziyanın rəhbəri ümumi olaraq təcrübə proqramının faydasını qeyd edərək, onların bu imkandan yararlanmağa dəvət etdi. Eltən Qədimbəyli qeyd etdi ki, keçirilən bu görüşdə kollecin bacarıqlı və qabiliyyətli tələbələri ilə Qafqaz TV arasında təcrübə proqramı keçirilir ki, buda təbii ki, dövrün tələblərinə cavab verərək gənclərin hazırlıq, bilik və bacarıq səviyyəsini yüksəldilməsinə, habelə gələcəkdə peşəkar imkanların daha da genişləndirilməsinə, eyni zamanda karyera imkanlarında daha önəmli rol oynayacaq. Habelə o, tələbələrin nəzərinə çatdırdı ki, təcrübə müddətini uğurla bitirənlərin sertifikat əldə etməklə yanaşı, həm də Qafqaz TV-də daimi işlə təmin edilmək şansları var. Görüşdə kollecin tələbələrinin ünvanladığı suallara Eltən Qədimbəyli cavab verərək filialın tələbələrinin aktivliyindən və dərin təhlil qabiliyyətinin olmasından çox məmnun qaldığını bildirdi. Sonda Televiziyanın əmədaşları ilə kollecin tələbələri birlikdə xatirə şəkli çəkdirdilər.