MUROVDAĞ TUNELİ BELƏ OLACAQ

Azərbaycan Avtomobil Yollar Dövlət Agentliyi (AAYDA) Murovdağ tunelinin tikintisi ilə bağlı videoçarx hazırlayıb. Toğanalı-Kəlbəcər avtomobil yolunun 13.5-cı km-lik hissəsindən Murovdağ silsiləsi başlanır və yüksəklik 1700 m-dən Murovdağ zirvəsinədək 3250 m-ə qədər artır. Bu hissədə uzunluğu 11658, hərəkət hissəsinin eni bir istiqamət üzrə 12 metr təşkil edən dünyanın ən uzun avtomobil tunellərindən biri olacaq Murovdağ tunelinin inşası davam etdirilir.