MHER QRİQORYAN :” DEMARKASİYA ŞİMAL NÖQTƏSİNDƏN BAŞLAYACAQ”

Sərhədin demarkasiyası ilə bağlı bütün bilgilər mediyaya açıqdır və son görüşdən sonra biz bu barədə açıqlama verdik. Bu sözləri Ermənistan baş nazirinin müavini Mher Qriqoryan jurnalistlərə müsahibəsində bildirib. Ancaq jurnalistlərdən birinin demarkasiyanın növbəti mərhələsinin nə vaxt başlayacağı sualına, Qriqoryan dəqiq bir cavab verməyib. “Demarkasiya şimal nöqtəsindən başlayacaq. Fikrimcə, başlamazdan əvvəl daha bir görüş olacaq, çünki hələ müzakirə olunacaq bəzi məsələlər var. Biz həmişə işçi qrupları şəklində görüşürük”- deyə o bildirib. Hansı tərəfin bu ərazidən demarkasiyaya başlamağı təklif etdiyini soruşduqda isə -“Bu qərar ümumi konsensus əsasında verilib” deyə baş nazirin müavini cavab verib. Habelə Qriqoryan əlavə edib ki, “İşçi qruplarının görüşlərinin nəticələrinə əsasən, biz planlarımızı mütləq mediyaya açıqlayacıyıq. Ancaq indi görüşün konkret tarixini deyə bilmərəm, ola bilsin ki, martda keçirilsin, amma razılaşmalar var ki, onlar intensiv olmalıdır”.