İSRAİLİN SABİQ BAŞ NAZİRİ QUBADA OLUB

X Qlobal Bakı Forumunda iştirak edən İsrailin sabiq baş naziri Ehud Olmert Quba rayonuna səfər edib. Səfər çərçivəsində qonaq Quba rayon İcra Hakimiyyətinin başçısı Ziyəddin Əliyevlə görüşüb. Rayon rəhbəri Quba haqda israilli qonağa ətraflı bilgi verib. Daha sonra Ehud Olmert icra başçısı Ziyəddin Əliyevlə birgə dağ yəhudilərinin kompakt şəkildə yaşadığı Qırmızı Qəsəbəyə gedib. Cənab Olmert Qırmızı qəsəbədə Ümumdünya Dağ Yəhudilərinin Tarix-Etnoqrafiya muzeyində olub,"Giləkli" və "Altı Günbəz "sineqoqlarına baş çəkib.