Turizmin inkişaf etdirilməsini qarşısına məqsəd olaraq qoyan Azərbaycan bir sıra beynəlxalq təşkilatlarla əməkdaşlıq edərək yeni layihələr üzərində çalışır.Bəs yaxın zamanda hazırlanacaq yeni proqram nədən ibarət olacaq ?
İslam Əməkdaşlıq Təşkilatı Qəbələdə turizmin inkişafı proqramının hazırlanmasına yardım edəcək.Azərbaycan sözü geden təşkilat ilə birlikdə Qəbələ üçün turizmin inkişafı proqramını hazırlayacaq.Verilən məlumata görə proqram özündə Qəbələnin 2020-ci ildə İƏT-nin turizm paytaxtı seçilməsi ilə əlaqədar turizm, mədəniyyət, incəsənət, irs festivallarının və İslam turizmi sərgilərinin keçirilməsini əhatə edir. Qəbələ 2018-ci il fevralın 5-7-də keçirilən İƏT turizm nazirlərinin konfransının 10-cu sessiyasında İƏT-nin 2020-ci ildəki turizm paytaxtı seçilib.Xatırladaq ki, İslam turizminin paytaxtı hər il üzv dövlətlərlə məsləhətləşmədə İƏT tərəfindən seçilir. Proqram ayrı-ayrı şəhərlərin turizm və iqtisadi potensialını inkişaf etdirmək, eyni zamanda turizm sektorunda məhsul və xidmətlər mübadiləsi və infrastruktur dəstəyi ilə İslam həmrəyliyini gücləndirmək məqsədi daşıyır.