İRAN TERRORLA ÜZ- ÜZƏ

İranda silahlı şəxslər ziyarətgaha atəş açıblar. Hadisə Şiraz şəhərinin Şahçıraq məqbərəsində olub. Son bilgilərə görə hadisə zamanı ölənlərin sayı 20 nəfərə çatıb. Onlardan ikisi azyaşlıdır. Hadisə zamanı 40 nəfər yaralanıb. İran medası atəş açanların üç nəfər olduğunu yazıb. Onlardan ikisi saxlanılıb. Hadisə ilə bağlı araşdırma aparılır.Azərbaycanın XİN – i İranda törədilən terror aktı ilə bağlı baş sağlığı verib. Bu barədə nazirliyin tvitter hesabında paylaşım edilib. İranın Şiraz şəhərindəki Şahçıraq məsçidində baş verən terror aktına təəssüf edirik. Həlak olanların ailələrinə dərin hüznlə baş sağlığı verir, yaralananların tezliklə sağalmasını arzu edirik. Azərbaycan terrorla üzləşmiş bir dövlət olaraq, onun bütün forma və təzahülərini qəti şəkildə pisləyir – deyə XİN bildirib.