İCRA BAŞÇISI SAKİNLƏRİN MÜRACİƏTLƏRİNİ DİNLƏDİ

Quba Rayon İcra Hakimiyyətinin başçısı İlqar Mahmudov tərəfindən Birinici Nügədi kəndinin “Almazqazmalar” yaşayış məntəqəsində vətəndaşların səyyar qəbulu keçirilmişdir. Qəbulda Quba rayon ağsaqqallar şurasının sədri, icra hakimiyyətinin məsul şəxsləri, rayonun bütün idarə, müəssisə və təşkilatlarının rəhbərləri iştirak edib. Kənd sakinləri tərəfindən sosial infrastrukturun yaxşılaşdırılması, kommunal xidmətlərin təşkili, torpaq və məişət problemlərinin həlli ilə bağlı müraciətlər səsləndirilib. Qaldırılan bütün məsələlər diqqətlə dinlənilib,onların həlli istiqamətində aidiyyəti qurumların rəhbərlərinə müvafiq tapşırıqlar verilib. Qəbulda qeyd olunmuşdur ki, vətəndaşların gündəlik qayğılarının öyrənilməsi və onların aradan qaldırılması istiqamətində dövlət başçısının tapşırıqlarına uyğun olaraq, mütəmadi olaraq yerlərdə səyyar görüşlərin keçirilməsi davam etdiriləcəkdir.