GÜCLÜ KÜLƏK ƏSƏCƏK, QAR YAĞACAQ
Baxış sayı: 103
Milli Hidrometeorologiya Xidməti yanvarın 23-də Bakıda və Abşeron yarımadasında, eyni zamanda, bəzi bölgələrdə gözlənilən küləkli hava şəraiti ilə bağlı sarı və narıncı xəbərdarlıq verib. Bu barədə bilgini Milli Hidrometeorologiya Xidməti verib. Qeyd olunub ki, Bakıda və Abşeron yarımadasında, Kəlbəcər, Laçın, Zəngilan, Xaçmaz, Xınalıq, Qusar, Neftçala, Şamaxı və Qobustanda, sarı xəbərdarlığa uyğun olaraq, cənub-şərq küləyi əsəcək, küləyin sürəti 13-20 m/san arasında təşkil edəcək. Şabran, Siyəzən, Xızı və Altıağacda isə, narıncı xəbərdarlığa uyğun olaraq, cənub-şərq küləyi əsəcək, küləyin sürəti 20-28 m/san arasında təşkil edəcək. Bakıda və Abşeron yarımadasında yanvarın 22-i axşamdan yanvarın 23-ü səhərədək arabir yağış yağacağı gözlənilir. Azərbaycanın bəzi rayonlarında da yanvarın 23-də hava şəraitinin arabir yağıntılı olacağı ehtimal olunur. Sinoptiklər əsasən şərq rayonlarında yağıntının qısamüddətli intensivləşəcəyi, dağlıq rayonlarda qar yağacağını xəbər verirlər.