ERMƏNİSTAN SƏRHƏDLƏRİNİ TÜRK ORDUSU QORUYACAQ?

Paşinyan hakimiyyətini qorumaq üçün Türk ordusunu ölkəyə dəvət edəcək. Bu iddia ilə erməni hüquq müdafiəçisi Karapet Paqosyan çıxış edib. Onun iddiasına görə Paşinyan rusiyalı sərhədçiləri Marqara keçid məntəqəsindən Türkiyənin tələbi ilə çıxarıb. “Məlumdur ki, keçid məntəqəsi açılmayacaq. Türkiyə tərəfindən bununla bağlı heç bir addım atılmayıb. Əvəzində isə Ermənistan tərəfindən yol çəkilir. Ermənistan hakimiyyətinin siyasəti suallar doğurur. Bu yolu nə üçün inşa edirlər? Ola bilsin ki,burada məqsəd tam başqadır. Yaqin ki, bu yol Türk ordusunun lazım olanda asanlıqla Ermənistana girməsi üçün çəkilir – deyə Paqosyan iddia edib. Paqosyan onuda qeyd edib ki, Türklərin ağır texnika gətirə biləcəkləri üçün Şirak bölgəsindən daha münasib ərazi yoxdur. Gələcəkdə Paşinyan hakimiyyətini qorumaq üçün Türk ordusunu ölkəyə dəvət edə və qapıları onların üzünə aça bilər - deyə erməni hüquq müdafiəçisi əlavə edib. #Türkiyə #Türkordusu #Ermənistan #sərhəd