ERMƏNİSTAN RUSİYANI AVROPAYA SATACAQ?

Avrasiya İqtisadi İttifaqından çıxmaq məsələsi Ermənistan hökumətinin gündəliyinə daxil deyil. Bunu Ermənistanın iqtisadiyyat naziri Gevorq Papoyan deyib. Onun sözlərinə görə, Avropaya inteqrasiyası ilə bağlı proseslər paralel gündəlikdədir: “Ermənistan hakimiyyətinin vəzifəsi ölkənin rəqabət qabiliyyətini və dayanıqlığını artırmaqdan ibarətdir”-deyə nazir əlavə edib. Xatırladaq ki, bir neçə gün bundan öncə Ermənistan hökuməti ölkənin Avropa Birliyinə daxil olması prosesinin başlanması haqqında qanun layihəsini təsdiqlədi. Əsas məruzəçi, Ermənistanın xarici işlər naziri Ararat Mirzoyan layihənin mülki təşəbbüs kimi parlamentə baxılmaq üçün təqdim edildiyini bildirdi. Qeyd edək ki, Paşinyan, parlamentin müvafiq qanun layihəsini qəbul edib-etməməsindən asılı olmayaraq, Ermənistanın AB-yə üzv olmaq niyyətinin ümumxalq referendumu vasitəsilə təsdiqlənməli olduğunu demişdi.