ADPU-NUN QUBA FİLİALINDA GÖRÜŞ KEÇİRİLİB

ADPU-nun Quba filialında Özbəkistanın Termiz Dövlət Universitetindən gəlmiş nümayəndə heyəti ilə görüş keçirilib Görüşdə filologiya elmlər doktoru, professor, Əməkdar müəllim, şair, ADPU-nun Beynəlxalq əlaqələr üzrə prorektoru Mahirə xanım Nağıqızı, ADPU-nun Quba filialının direktoru dosent Yusif Alıyev, Termiz dövlət universitetinin prorektori, filologiya fənləri üzrə fəlsəfə doktoru, dotsent Obidjon Shofiyev, Adpu -nun filologiya fakültəsinin dekan müavini Könül xanım Həsənova, Filologiya fakültəsinin dekan müavini dosent Pəri xanım Paşayeva, Beynəlxalq əlaqələr şöbəsinin müdiri Günay Məhərrəmova, Beynəlxalq Əlaqələrdə şöbəsinin mütəxəssisi Nurəngiz Mahmudova, Filologiya fakültəsinin müəllimi dosent Fəxrəddin Yusifov filialın professor müəllim və tələbə kollektivi iştirak edib. Tədbiri giriş sözü ilə açan dosent Y.Alıyev qeyd edib ki, bugün Azərbaycan Dövlət Pedaqoji Universitetinin Quba filialında çox önəmli, böyük, təntənəli bir gün yaşanır. Bugün biz burada Özbəkistan təhsil ictimaiyyətinin nümayəndələrini salamlayırıq və ADPU-nun Quba filialı olaraq beynəlxalq sahədə ilk addımımızı atırıq. İlk olaraq bu şəraiti yaratdığına görə ADPU-nun rektoru prof.Cəfər Cəfərova və ADPU-nun beynəlxalq əlaqələr üzrə prorektoru, prof. Mahirə Hüseynova təşəkkür və minnətdarlığımızı bildiririk. Dos.Y.Alıyevin gələn qonaqların hər birini salamladıqdan sonra Özbəkistan və Azərbaycan Respublikalarının dövlət himnləri səsləndirilmişdir. Tədbirdə tanınmış və dəyərli şairimiz Ramiz Qisarçaylı, ADPU-nun Quba filialının Ədəbiyyat və dillər kafedrasının baş müəllimi Eyvaz Şeydayev çlxış edib. Sonda qonaqlara hədiyyələr təqdim edilib.