ABŞ-İRAN MÜHARİBƏSİ OLARSA, AZƏRBAYCANI NƏ GÖZLƏYIR?

Tehran nüvə sazişinin imzalanmasına razılaşmasa və nüvə silahı üzərində işi dayandırmasa, İran sentyabr ayına kimi yox olacaq. Bu barədə Britaniyanın “Deyli Ekspress” qəzeti ABŞ Prezidenti Donald Trampın administrasiyasındakı mənbələrə istinadən yazıb.Mənbə bildirib ki, İranın nüvə sazişinə razılaşması üçün ABŞ-ın Yaxın Şərqə bombardmançı təyyarələr və əlavə aviadaşıyıcı qrupu yerləşdirdiyi müddət qədər “sayılı günləri” qalıb. İran isə öz növbəsində hava məkanını bağlamaq və ABŞ-ın təhdidləri ilə bağlı ordunu hazır vəziyyətə gətirmək barədə qərar qəbul edib. Bu barədə “Mehr” agentliyi bilgi yayıb. Bildirib ki, İran qü vvələri hadisələrin istənilən inkişafına hazırdır və bütün ordunu ən yüksək hazırlıq səviyyəsinə keçirdir. ABŞ-İran münasibətlərinin belə bir kritikləşmə anında bir qisim ekspert hesab edir ki, gərgin münasibətlər müharibə ilə nəticələnərsə, qonşu ölkə kimi Azərbaycan da ciddi zərər görər və rəsmi Bakı seçim qarşısında qala bilər. İstənilən seçimin Azərbaycana xeyir gətirməyəcəyi vurğulanır. Bəzi ekspertlər isə Cənubi Azərbaycan probleminin həlli istiqamətində ABŞ-İran müharibəsini bir şans kimi görürlər. Qeyd edək ki, İranda 30 milyona yaxın azərbaycanlı yaşayır, o zaman anlamalıyıq ki, onların müharibədən və bombardmanlardan qaçacaq əsas yeri Arazın bu tayı olacaq. Hal hazırda inkişaf etmiş Avropa dövlətləri qaçqınların əlində əsir-yesir qalıb. Azərbaycan üçün bir neçə on min qaçqını qəbul edib yerləşdirmək, o qədər də asan olmayacaq. Habelə İranla müharibə Amerikanın bölgədəki müttəfiqlərinə, o cümlədən Azərbaycana zərər verəcək. #ABŞ #İran #müharibə #Amerika #Tramp