Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş ilkin
məlumata əsasən, 07.12.2023-cü il tarixində yerli vaxtla saat 08:16-da Xəzər dənizində 68km dərinlikdə maqnitudası 5.6 olan zəlzələ qeydə alınıb. Bu barədə Fövqəladə Hallar Nazirliyindən (FHN) bildirilib. Qeyd olunub ki, zəlzələ Bakı şəhəri və ətraf ərazilərdə hiss olunub. “Zəlzələ nəticəsində hər hansı dağıntı və ya xəsarət barədə Fövqəladə Hallar Nazirliyinə məlumat daxil olmayıb”, - deyə bilgidə vurğulanıb. AMEA nəzdində Respublika Seysmoloji Xidmət Mərkəzinin baş direktoru Qurban Yetirmişlinin fikirlərinə görə “Zəlzələdən sonra afterşoklar olacaq. Ancaq ola bilsin ki, hiss olunmasın”.