TRAMP ABŞ VƏ ERMƏNİSTAN ARASINDA BAĞLANAN SAZİŞİ POZACAQ?

Yanvarın 14-də Vaşinqtonda ABŞ Dövlət Departamentində ABŞ və Ermənistan arasında strateji tərəfdaşlıq haqqında xartiya imzalanıb. Sənədi Ermənistanın XİN Ararat Mirzoyan və ABŞ Dövlət katibi Entoni Blinken imzalayıb. Vaşinqtonda keçirilən imzalanma mərasimi Dövlət Departamentinin youtube kanalında yayımlanıb. Sənədi yanvarın 20-də istefaya gedəcək Cozef Baydenin səlahiyyət müddəti sona çatan adminstrasiyası imzalayıb. ABŞ-nin yeni seçilmiş Prezidenti Donald Tramp dövründə sazişin həyata keçirilməsi prespektivləri məsələsi isə açıq qalır. Xatırladaq ki, İrəvan və Vaşinqton arasındakı ikitərəfli dialoqu strateji tərəfdaşlıq səviyyəsinə qaldırmaq niyyəti hələ 2024-cü ilin iyununda elan edilib.İmzalanma mərasimi zamanı dövlət katibi Entoni Blinken jurnalistlərə açıqlamasında bildirdi ki, bu, Birləşmiş Ştatlar və Ermənistan arasında münasibətlərdə mühüm mərhələdir: “Biz iqtisadi, təhlükəsizlik və müdafiə, demokratiya, inklüzivlik və şəxsiyyətlərarası münasibətlər sahələrində əməkdaşlığın genişləndirilməsini nəzərdə tutan strateji tərəfdaşlıq komissiyası yaradırıq". Ermənistan XİN rəhbəri Ararat Mirzoyan isə vurğulayıb ki, Bu gün imzaladığımız Ermənistan-ABŞ strateji tərəfdaşlıq xartiyası möhkəm çərçivə yaradır və əməkdaşlığımıza daha böyük ambisiyalar qoyur.