Turistlərin ən çox sevdiyi şəhərlər arasında Bakı Barselona, Roma və Milanla
bir sırada yer alıb. Sevindirici haldır ki, Bakı rusiyalı turistlər arasında ən populyar yerlərdən birinə çevrilib. Bu barədə "OneTwoTrip" bilgi yayıb. Səfərlərin təşkili üçün nəzərdə tutulan bu onlayn xidmət rusiyalı turistlər arasında ötən illə müqayisədə 2023-cü ilin yayında daha çox populyarlaşan ölkələr və istiqamətlər barədə hesabat yayımlayıb.Siyahıdan aydın olur ki, rusiyalıların üstünlük verdiyi istiqamətlər siyahısında Barselona (İspaniya), Milan, Roma (İtaliya) və Fethiye (Türkiyə) ilə yanaşı, paytaxtımızın populyarlığı 50 faizdən çox artıb.Qeyd edək ki, Azərbaycanın paytaxtı Bakı keçmiş post sovet respublikaları arasında Rusiya vətəndaşlarının yay istirahəti üçün seçdiyi ən populyar istiqamətlər siyahısına başçılıq edir. “TurStat” agentliyinin verdiyi bilgiyə görə rusiyalı turistlər getdikləri ölkələrinin kurortlarında istirahət üçün sutkada 50 dollardan 100 dollaradək pul xərcləyirlər.
{youtube}4nGs4ILJ8ek{/youtube}