Rusiya qüvvələri son sutkada Ukrayna ərazisində daha 620 hərbçisini itirib. Bu barədə
Ukrayna Silahlı Qüvvələrinin Baş Qərargahı bilgi yayıb. Bildirilib ki, bununla da Rusiya tərəfinin müharibə başlayandan bəri ümumi itkilərinin sayı 183 750 nəfərə çatıb. Həmçinin son sutka ərzində Rusiyaya məxsus 4 tank, 12 zirehli döyüş maşını, 9 artilleriya sistemi Ukrayna ordusu tərəfindən sıradan çıxarılıb. Cəbhədəki son vəziyyəti açıqlayan qurumdan bildirilib ki, həmçinin Rusiyanın 2 “Orlan-10”, “Supercam” kəşfiyyat və 1 “Lanset” hücum PUA-sı vurulub. Ukrayna Silahlı Qüvvələrinin raket qoşunları və artilleriya bölmələri Rusiyanın canlı qüvvəsinin cəmləşdiyi 3 rayona, radioelektron döyüş stansiyasına və daha bir mühüm hərbi obyektinə zərbələr endirib. Silahlı Qüvvələrinin Baş Qərargahının verdiyi bilgiyə görə “Son sutka ərzində Rusiya Silahlı Qüvvələri Ukrayna ərazisinə ümumilikdə 58 raket zərbəsi endirib, dinc sakinlər arasında yaralananlar var. Ukraynanın bütün ərazisi boyunca növbəti raket hücumları ehtimalı yüksək olaraq qalır”. Son sutkada Ukrayna Müdafiə Qüvvələri düşmənin 60-dan çox hücumunu dəf edib: “Ən şiddətli döyüşlər Baxmut və Maryinka uğrunda gedir”.
{youtube}NiQMb4jJuRQ{/youtube}