QUBADA ULU ÖNDƏRİN XATİRƏSİNƏ KONFRANS TƏŞKİL OLUNUB

Azərbaycan xalqının Ümummilli Lideri Heydər Əliyevin vəfatının iyirmi birinci ildönümü ilə əlaqədar Quba Rayon İcra Hakimiyyətinin və Yeni Azərbaycan Partiyası Quba rayon təşkilatının birgə təşkilatçılığı ilə YAP Quba rayon təşkilatında “Nə qədər ki, Azərbaycan var mən də varam...” mövzusunda konfrans təşkil olunub. Konfransda Rayon rəsmiləri və rayon ictimaiyyətinin nümayəndələri iştirak ediblər. Çıxışlarda qeyd edilib ki, xalqımız ölməz tarixi şəxsiyyət, Ümummilli Lider, müstəqil Azərbaycan Respublikasının memarı və qurucusu Heydər Əlirza oğlu Əliyevin vəfatının 21-ci ildönümünü dərin hüznlə qeyd edir. Ümummilli Liderimizin gərgin diplomatik səyləri və şəxsi nüfuzu sayəsində respublikamız mötəbər beynəlxalq təşkilatlara tamhüquqlu üzv qəbul edilmiş və dünyada öz mövqeyini möhkəmləndirmişdir. Ümummilli Liderimizin siyasi kursu Prezident İlham Əliyev tərəfindən çox böyük inamla və uğurla davam etdirilir. Bu gün işğaldan azad edilmiş Qarabağ və Şərqi Zəngəzurda genişmiqyaslı bərpa-quruculuq işləri heç kəsdən yardım alınmadan Azərbaycanın öz imkanları hesabına sürətlə davam etdirilir, Böyük Qayıdış Proqramı çərçivəsində uğurlu addımlar atılır. Ulu Öndərin siyasi kursunun layiqli davamçısı olan Prezident, Müzəffər Ali Baş Komandan cənab İlham Əliyev Azərbaycanı bu böyük uğurlara çatdırmaqla ata vəsiyyətini layiqincə yerinə yetirilir.