QUBADA MİLLİ QƏHRƏMAN İBAD HÜSEYNOVLA GÖRÜŞ KEÇİRİLİB

Bəşir Səfəroğlu adına Quba rayon Mədəniyyət Mərkəzində Azərbaycanın Milli Qəhrəmanı, Birinci Qarabağ Müharibəsi veteranı İbad Hüseynovla görüş keçirilib. Tədbir iştirakçıları əvvəlcə məktəblilərin əl işlərindən ibarət sərgiyə və Quba rayon Mərkəzləşdirilmiş Kitabxana Sistemi -nin təşkil etdiyi kitab sərgisinə baxış keçiriblər. Mədəniyyət Mərkəzinin "Qəhrəmanla görüş" layihəsi çərçivəsində reallaşan tədbirdə əvvəlcə torpaqlarımızın azadlığı uğrunda canından keçən şəhidlərin ruhu bir dəqiqəlik sükutla yad edilib, Dövlət Himni səsləndirilib. Mədəniyyət Mərkəzinin "Art" studiyasının hazırladığı Milli Qəhrəmanın həyat və döyüş yolunu əks etdirən film nümayiş olunub. Daha sonra çıxışlar dinlənilib. Tədbirdə qəhrəmanın döyüş yoldaşları, Quba ziyalıları, şəhid valideynləri çıxış edərək İ.Hüseynovun timsalında Azərbaycan əskərinin şücaətlərindən bəhs ediblər. Xocalı soyqırımının müəllifi olan məhşur erməni terrrorçu Monte Melkonyanı zərərsizləşdirərək tarixə düşən İbad Hüseynov tədbir iştirakçılarının suallarını cavablandırıb.Tədbir Mədəniyyət Mərkəzinin "Şahdağ" instrumental ansamblı və solistlərinin və "Rast" muğam üçlüyünün hərbi vətənpərvərlik ruhlu ifaları ilə davam edib.