QƏZZA ZOLAĞINDA MÜHARİBƏ BİTDİ?

HƏMAS və İsrail girovların azad edilməsi və Qəzza zolağında atəşkəs rejiminin tətbiqi ilə bağlı razılığa gəliblər. Atəşkəs razılaşması yanvarın 19-dan qüvvəyə minəcək. Bu barədə Qətərin Baş naziri və xarici işlər naziri Şeyx Məhəmməd bin Əbdül Rəhman əs-Sani bildirib. “Qəzza zolağında atəşkəs razılaşmasının birinci mərhələsi 42 gün davam edəcək və bu müddət ərzində növbəti mərhələnin şərtləri müəyyənləşəcək”, - o deyib. Qətərin baş naziri təsdiqləyib ki, HƏMAS İsraillə razılaşmanın ilk mərhələsində 33 girovu azad edəcək. Vasitəçilər İsrail qoşunlarının Qəzza zolağından tam çıxarılmasını təmin etmək üçün danışıqların davam etdirilməsinin təminatçısı kimi çıxış edirlər. Yaxın Şərqdəki girovların geri qaytarılması məsələsini razılaşdırdıq. Bunu isə ABŞ-ın yeni seçilmiş Prezidenti Donald Tramp sosial şəbəkə hesabında yazıb."Tayms of İsrail" isə bildirib ki, atəşkəs və girovlarla bağlı razılaşma əldə olunub və Tramp bunu təsdiqləyən ilk liderdir. "Müqavilə yaxın saatlarda imzalanacaq. İlk girovlar bazar günü sərbəst buraxıla bilər", - deyə bilgidə qeyd edilib.