FRİTL-DƏ "BİOSTEAM" LAYİHƏSİNİN RƏSMİ AÇILIŞI OLUB

Fizika Riyaziyyat İnformatika Təmayüllü Liseydə Elm və Təhsil Nazirliyinin VI Respublika Qrant Müsabiqəsinin qalibi olmuş "BioSTEAM" layihəsinin rəsmi açılış tədbiri olub. Tədbir liseyin Akt zalında baş tutub.Tədbirdə layihə əməkdaşları, Quba-Xaçmaz Regional Təhsil idarəsinin rəsmiləri, layihədə iştirak etmək hüququ qazanmış şagirdlər, onların valideynləri, regionun kütləvi informasiya vasitələrinin nümayəndələrindən "Qafqaz tv" çəkiliş heyəti və digər ictimaiyyət nümayəndələri iştirak ediblər.Çıxış edənlər müsabiqə qaliblərini təbrik edərək, müsabiqənin əhəmiyyəti və vacibliyini vurğulayıb, onlara uğurlar arzuladılar. Layihə rəhbəri Sevinc Çələbiyeva layihənin məqsəd və vəzifələri, layihə çərçivəsində nəzərdə tutulan tədbir və ekskursiyalar, təlimlər barədə geniş məlumat verib, layihənin icrasından əldə olunacaq nəticələri iştirakçıların diqqətinə çatdırdı. Sonda tədbir iştirakçıları layihə çərçivəsində təşkil olunmuş "BioSTEAM" laboratoriyası ilə tanış oldular.