ERMƏNİLƏR LAÇINDA EVLƏRİ YANDIRIR

Qarabağdakı separatçı-terrorçu rejimin qalıqları Laçın şəhəri , Zabux və Sus kəndlərində qalan ermənilərin təxliyəsinə başlayır. Bu barədə Ermənistanın “Pastark” agentliyi məlumat yayıb. Məlumata görə, özünü qondarma respublikanın rəhbəri kimi təqdim edən Araik Arutyunyan Laçında qalan ermənilərin təxliyəsinin sakit şəkildə aparılmasını, tərk edilən evləri isə yandırmağı tapşırıb. Qeyd edək ki, Laçın dəhlizinin alternativ marşrutunun istifadəyə verilməsi ilə Laçın şəhəri, Zabux və Sus kəndləri Azərbaycana təhvil verilməlidir. Bu arada, Azərbaycan Ordusunun avqustun 3-də keçirdiyi “Qisas” antiterror əməliyyatı nəticəsində yaralanan qanunsuz erməni silahlı dəstələrinin üzvlərinin sayı 19-a çatıb. Bunu terrorçu rejimin “səhiyyə naziri” Mikael Ayriyan bildirib. Onun sözlərinə görə, 4 yaralının vəziyyəti ağırdır. Bu da ölü sayının artacağını istisna etmir.