BAYRAM GÜNLƏRİNDƏ BAKI METROSUNUN HƏRƏKƏT QRAFİKİ MƏLUM OLDU

Qurban bayramının qeyd ediləcəyi 9-10 iyul tarixlərində "Bakı Metropoliteni" QSC-nin iş rejimində dəyişikliklər ediləcək. 9-10 iyul tarixləri istirahət günləri hesab olunsa da, qatarlar adi iş günləri qrafiki ilə hərəkət edəcək. Məqsəd metrodan istifadə edən sərnişinlərin maksimum rahatlığını təmin etməkdir. Həmin tarixlərdə “Həzi Aslanov-28 May” sahəsi boyunca hərəkət intervalı saat 7:00-dan 21:00-a qədər 2 dəqiqə 30 saniyə təşkil edəcək. Qırmızı və Yaşıl xətlərin kəsişərək birləşdiyi “28 May” stansiyasından sonrakı sahələrdə interval, uyğun olaraq, 2 dəfə çox təşkil edəcək.