AZƏRBAYCAN MƏDƏNİYYƏTİ PARİSDƏ

Fransada fəaliyyət göstərən Fransa-Azərbaycan Dialoqu Assosiasiyası ölkəmizi Parisin 15-ci rayonunun meriyasının qarşısındakı meydanda ənənəvi “Assosiasiyalar Forumu”nda təmsil edib.Burada müxtəlif sahələrdə fəaliyyət göstərən assosiasiyaların fəaliyyətini əks etdirən stendlər qurulub. Ziyarətçilərə assosiasiyalar haqqında məlumat verilərək, onların illik proqramları təqdim edilib. Ərazidə quraşdırılmış stendlərdə Heydər Əliyev Fondu tərəfindən fransız dilində nəşr edilmiş Azərbaycan tarixi və mədəniyyətinə dair kitablar, mədəniyyətimizi əks etdirən milli əşyalar, geyimlər, xalça nümunələri, eləcə də şirniyyatlar təqdim olunub. Fransa-Azərbaycan Dialoqu Assosiasiyasının stendini ziyarət edənlərə assosiasiya, onun fəaliyyəti, eləcə də tariximiz və mədəniyyətimiz haqqında ətraflı məlumatlar verilib. Parisdə yaşayan diaspora nümayəndələrimiz də Fransa-Azərbaycan Dialoqu Assosiasiyasının stendini ziyarət edib və fransızları tariximiz, mədəniyyətimiz haqqında məlumatlandırıblar.