ADPU –NUN QUBA FİLİALINDA ŞAİR RAMİZ QUSARÇAYLIYA HƏSR EDİLƏN ƏDƏBİ-BƏDİİ TƏDBİR KEÇİRİLİB

Quba Rayon İcra Hakimiyyətinin və Azərbaycan Dövlət Pedaqoji Universitetinin Quba filialının təşkilatçılığı ilə görkəmli Azərbaycan şairi Ramiz Qusarçaylının “Vətən” poemasının təqdimatına həsr edilmiş “Azərbaycan bayrağı"nı qürurla dalğalandıran “Vətən” adlı ədəbi-bədii tədbir keçirilib. Tədbirdə Quba RİH Başçısı Ziyəddin Əliyev, YAP Quba rayon təşkilatının sədri, Şəhid ailələri, rayonun hüquq və mühafizə orqanlarının rəhbərləri, idarə müəssisə və struktur rəhbərləri, ağsaqqallar, görkəmli ziyalı və şairlər, rayon ictimaiyyəti və filial kollektivi iştirak edib. Tədbir Ulu öndər Heydər Əliyevin və ölməz şəhidlərimizin əziz xatirəsinin bir dəqiqəlik sükutla yad edilməsi ilə başlayıb. Tədbir ADPU-nun Quba filialının direktor müavini, pedaqogika üzrə fəlsəfə doktoru Aysel Şeydayevanın moderatorluğu ilə davam edib. Tədbirdə filialın İKT şöbəsi tərəfindən hazırlanan və şair Ramiz Qusarçaylının həyat və yaradıcılığına həsr edilmiş videoçarx nümayiş etdirilib, daha sonra Şair Ramiz Qusarçaylı səhnəyə dəvət edilib. Çıxış edənlər görkəmli Azərbaycan şairi Ramiz Qusarçaylı yaradıcılığı haqqında danışıb,,Vətən poemasının möhtəşəmliyi haqqında fikir söyləyiblər.Tədbirdə Şair Ramiz Qusarçaylı Quba RİH Başçısı Z.Əliyevin 14 dekabr 2022-ci il 216 saylı Sərəncamı ilə Fəxri Fərmanla təltif edilib. Tədbirdə həmçinin R.Qusarçaylıya filialın direktoru tərəfindən Fəxri Diplom və hədiyyə təqdim edilib. Bəşir Səfəroğlu adına Quba Rayon Mədəniyyət Mərkəzinin ansamblının ifasında sözləri R.Qusarçaylıya aid olan "Bəstə Nigar” musiqisi tədbir iştirakçılarına təqdim edilib. Filialın müəllim və tələbələrinin ifasında şairin şeirlərindən ibarət kompozisiya səsləndirilib. Sonra Azərbaycan Yazıçılar Birliyinin üzvü, Azərbaycan Yazıçılar Birliyi Quba bölməsinin sədri, "Azərmətbuatyayımı" ASC-nin 5 saylı Regional "Mətbuatyayımı" İdarəsinin rəisi, şair-publisist Ramiz Qusarçaylı çlxış edib, tədbirin ərsəyə gəlməsində əməyi keçən hər kəsə, təşəkkürünü bildirib. Sonda Xatirə şəkilləri çəkdirilib.