ADPU – NUN QUBA FİLİALINDA ŞƏHİDİN ADI ƏBƏDİLƏŞDİRİLİB

Quba filialında növbəti Şəhid auditoriyası Tərtər istiqamətində gedən döyüşlərdə qəhrəmanlıqla Şəhidlik zirvəsinə ucalmış, Azərbaycan Prezidenti İlham Əliyevin Sərəncamları ilə "Vətən uğrunda", "Laçının azad olunmasına görə" və "Suqovuşanın azad olunmasına görə" medalları ilə təltif edilmiş Miqdad Faiq oğlu Abduləlimov adına açılıb. Şəhid Miqdad Faiq oğlu Abduləlimovun adına auditoriyanın açılışı 27 oktyabr 2022-ci il tarixində filialın II tədris binasında olub.Tədbirdə filialın rəhbərliyi, müəllim və tələbə kollektivi, Şəhidin valideynləri Tünzalə Abduləlimova, Faiq Abduləlimov və 20-yə yaxın Quba şəhidlərinin valideynləri iştirak edib. Şəhid Miqdad Abduləlimovun valideyinləri filialda dosent Yusif Alıyevin rəhbərıiyi ilə görülən işlərin əhəmiyyətini vurğulayaraq ali təhsil ocağında belə tərbiyəvi və nümunəvi işlərin görülməsini örnək kimi qiymətləndirmiş, əməyi keçən hər kəsə təşəkkür etmişlər. Tədbirdə iştirak edən şəhid anaları da bu ənənənin davam etməsini arzuladıqlarını dilə gətiriblər. Tədbirin sonunda filialın əməkdaşları və şəhid valideyinləri xatirə şəkli çəkdirdilər.