ƏHALİYƏ HAVA İLƏ BAĞLI XƏBƏRDARLIQ EDİLDİ

Bir neçə gün davam edən mülayim, isti hava şəraitindən sonra yanvarın 8-dən başlayaraq ölkədə hava şəraitinin kəskin dəyişəcəyi gözlənilir. Paytaxtda və Abşeron yarımadasında arabir yağıntılı olacağı, bəzi yerlərdə sulu qar, qar yağacağı gözlənilir. Şimal-şərq küləyi 7-si axşamdan 8-i gündüzədək yarımadanın bəzi yerlərində arabir güclənəcək. Havanın temperaturu: ötən günlərlə müqayisədə 10-12° aşağı enərək, 10-u və 11-də gecə 2°-dək şaxta, gündüz isə 0°-yə yaxın olacaq.Hidrometeoroloji Proqnozlar Bürosunun direktoru Gülşad Məmmədova qeyd edib ki, gözlənilən yağıntılı və şaxtalı hava şəraiti ilə əlaqədar yolların buz bağlama ehtimalı var. Havanın kəskin dəyişəcəyi ilə bağlı yol polisi də sürücülərə müraciət edib.Aidiyyəti qurumlar gözlənilən hava şəraiti ilə əlaqədar əhalini müvafiq təhlükəsizlik qaydalarına riayət etməyə çağırır.