Azərbaycan neftdən sonra nə satacaq? Təhsil və elm pula çevrilə bilərmi? | Gələcək Bilik

Azərbaycanın gələcəyi yalnız neftlə ölçülə bilməz. Sual budur: neft sektorundan kənarda hansı sənaye, texnologiya və iqtisadi sahələr real şəkildə inkişaf edə və dünya bazarına çıxa bilər? Bu buraxılışda “Gələcək Bilik”də fundamental sualı qoyuruq: Təhsil və elm ölkənin iqtisadi gücünə necə çevrilməlidir? Aqrotexnologiya, enerji texnologiyaları, kimya və bio-texnologiya, DATA və süni intellekt, logistika və sənaye innovasiyaları — bunların hamısı bilik üzərində qurulur. Amma o zaman sual yaranır: Bizim kimya, biologiya, fizika dərslərimiz yerli potensiala uyğun qurulmalıdırmı? Yoxsa Finlandiya və Avstraliyanın dərsliklərini olduğu kimi kopyalamaq kifayətdir? Bu buraxılışda müzakirə edirik: – Təhsil niyə iqtisadi strategiyanın bir hissəsi olmalıdır – Elm niyə nəticə vermir kimi görünür – Lokal maraqlara uyğun bilik modeli necə qurulmalıdır – “Əzbər” yox, “düşünən və istehsal edən beyinlər” necə yetişdirilir Çünki məsələ dərslikdə deyil. Məsələ biliyin hara xidmət etməsindədir.