“MAŞA VƏ AYI”NIN YENİ BÖLÜMÜ AZƏRBAYCANA HƏSR OLUNUB

Rusiyanın dünyaca məşhur “Maşa və ayı” cizgi serialının yeni mövsümündə bir bölüm Azərbaycana həsr olunub. Belə ki,dəcəl qız öz oyuncaqlarına “Məlikməmməd” nağılını daha müasir versiyada danışır. “Uzaq-uzaq diyarlarda Azərbaycan adlı bir məmləkət var. Bu ölkədə mehriban, şən və əməksevər insanlar yaşayır. Bu nağılı da elə onlar mənə danışıblar”, - deyə başlayan cizgi seriyasında “Göyçək Fatma”, “Təpəgöz”, “Simurq Quşu” kimi nağıl qəhrəmanlarının da adı çəkilib.